किंचाळी क्लब
किंचाळी क्लब, किंचाळी चळवळ लंडनच्या हाईड पार्कमधे दुपारचे तीन वाजत होते. दोन बायका आल्या. दोन तीन पुरुष आले. आणखी बायका आणि पुरुष आले. तीनच्या ठोक्याला सर्व जण किंचाळू लागली. पोटाच्या तळातून आवाज काढत होती, आकाशाला भेदायला निघालाय असा ऊंच स्वर. आवाज पूर्ण लागावा म्हणून कमरेत वाकून ताठ होत होत किंचाळत. जेमतेम मिनीटभर.किंचाळ्या थांबल्या, सर्व जण हसू लागले. पोट धरधरून हसू लागले. पार्कमधे फिरायला आलेल्या लोकांना काय चाललंय ते कळेना. किंचाळतात काय, हसतात काय. लोकांनी डोळ्याच्या कोपऱ्यातून पाहिलं न पाहिल्यासारखं केलं….