अरे गाढव गाढव… जगातली गाढवांची संख्या घटतेय. गेल्या वर्षीपर्यंत जगात ५ कोटी गाढवं होती, आता त्यांची संख्या ४ कोटीवर आलीय. संख्या कमी होतेय आणि त्यांची मागणी वाढतेय. परिणामी गाढवांचा बाजार तेजीत आहे. हा बाजार अर्थातच चीनमुळं आहे. चीननं तयार केलेल्या ‘गाढव अर्थव्यवस्थेत’ गाढवांना मागणी आहे. चीनमधे गाढवांचा तुटवडा आहे, चीनला गाढवं हवी आहेत. चीनमधे १९९० साली १.१ कोटी गाढवं होती, २०२३ साली ती संख्या फक्त ११ लाखावर आलीय. काय झालं? चिनी गाढवांनी कुटुंब नियोजन केलं? शक्य आहे. गाढवं हा आपण…
न्यू यॉर्कच्या मेयरपदी झोहरान ममदानी निवडून आले आहेत. न्यू यॅार्कचे ते सर्वात तरूण आणि पहिले मुसलमान मेयर आहेत. त्यांची आई भारतात जन्मली आहे. निवडणूक गाजत होती कारण डोनल्ड ट्रंपनी केलेला विरोध. ट्रंप स्टाईल विरोध. काश पटेल या एफबीआय प्रमुखाला ममदानीच्या मागं लावणार. ममदानीचं नागरीकत्व तपासणार, कुठं काही फट सापडली तर नागरीकत्व रद्द करणार, ममदानीला देशाबाहेर घालवणार. दुसरी धमकी. न्यू यॅार्कच्या नागरिकांनी निवडून दिलं तर केंद्र सरकार म्हणजे प्रेसिडेंट न्यू यॅार्कला पैसे देणार नाहीत. न्यू यॅार्कच्या मतदारांनी ममदानींना निवडून देऊन देश…
राजपुत्र अँड्र्यू. राणी एलिझाबेथचा दोन नंबरचा पुत्र. याचा मोठा भाऊ आताचा राजा चार्ल्स. व्हर्जिनिया जुफ्रे नावाच्या अल्पवयीन अमेरिकन तरूणीशी जबरदस्तीनं संग केल्याचा आरोप अँड्र्यूवर आहे.२००१ साली ही घटना अमेरिकेत घडली. अल्पवयीन मुलीशी संग करणं कायद्यानं गंभीर गुन्हा मानला जातो. जबरदस्ती हा आणखी एक गुन्हा. एक वेळा नव्हे, तीन वेळा संग केलाय. एकदा तर अनेक मुलींसह ज्युफ्रेनं सामुहीक संग केला.ज्युफ्रेचं आत्मचरित्र नुकतंच प्रसिद्ध झालंय, त्यात या भानगडीची वर्णनं वाचायला मिळतात. अँड्र्यूच्या या उद्योगाची वाच्यता झाली, राज घराणं पार बदनाम झालं. परिणाम…
सुदान हा देश आपल्या निकट परिचयाचा देश नाही. साधारणपणे महाराष्ट्र आणि मध्य प्रदेश एकत्र केल्यानंतर होईल तेवढा सुदानचा भूभाग आहे. आफ्रिकेच्या उत्तर पूर्व भागातल्या या देशात सध्या धुमश्चक्री चाललीय आणि जगातले बरेच देश त्या धुमश्चक्रीत सामिल आहेत. जग किती एकमेकात गुंतलंय ते सुदानच्या धुमश्चक्रीतून लक्षात येतं. पूर्व सुदानमधल्या एल बशर या शहरातील अधिकृत सुदानच्या सैन्याला फुटीर सैन्यानं पळवून लावल्यामुळं लढ्याला एक नवं वळण मिळालंय. या खटाटोपात तिथली हजारो माणसं मेलीयत आणि लाखो माणसं बेघर झालीयत. उपासमारी आणि रोगराईची समस्या…
किंचाळी क्लब, किंचाळी चळवळ लंडनच्या हाईड पार्कमधे दुपारचे तीन वाजत होते. दोन बायका आल्या. दोन तीन पुरुष आले. आणखी बायका आणि पुरुष आले. तीनच्या ठोक्याला सर्व जण किंचाळू लागली. पोटाच्या तळातून आवाज काढत होती, आकाशाला भेदायला निघालाय असा ऊंच स्वर. आवाज पूर्ण लागावा म्हणून कमरेत वाकून ताठ होत होत किंचाळत. जेमतेम मिनीटभर.किंचाळ्या थांबल्या, सर्व जण हसू लागले. पोट धरधरून हसू लागले. पार्कमधे फिरायला आलेल्या लोकांना काय चाललंय ते कळेना. किंचाळतात काय, हसतात काय. लोकांनी डोळ्याच्या कोपऱ्यातून पाहिलं न पाहिल्यासारखं केलं….
अफगाणिस्तानचे परदेश मंत्री मुत्तकी भारताच्या परदेश मंत्री जयशंकर यांच्याशी बोलत असताना पाकिस्तानी लढाऊ विमानं काबूल आणि कंदाहारवर बाँब फेकत होती. ।। भारत, पाकिस्तान आणि अफगाणिस्तान हे एक त्रांगडं आहे. अफगाणिस्तानातलं तालीबानचं सरकार भारतानं मान्य केलं नव्हतं, अफगाणिस्तानशी संबंध ठेवले नव्हते. तालिबान सरकार गेल्यानंतर हमीझ करझाई यांचं सरकार आलं. करझाईंचं शिक्षण भारतात झालं होतं. भारतानं करझाई सरकारला मान्यता दिली. नंतर पुन्हा एकदा सध्याचं तालीबान सरकार आलं. आता भारतानं पुन्हा संबंध प्रस्थापित करायचं ठरवलंय. तालीबान संस्कृती भीषण आहे. तालिबान दहशतवादी आहे….
चुका कबूल करणारा बियॉन बोर्ग बियॉन बोर्गचं ‘हार्टबिट्स’ हे आत्मचरित्र प्रसिद्ध झालंय. बियॅान बोर्ग आठवतोय? टेनिस पर्वताचं एव्हरेस्ट शिखर. ओळीनं सहा वेळा विंबल्डन जिंकला. ओळीनं सहा वेळा फ्रेंच ओपन जिंकला. जगातले सर्व चषक जिंकले. करियरच्या टॅापला असतांना वयाच्या २५ व्या वर्षी, १९८१ साली, बोर्गनं टेनिस सोडलं. सोडलं म्हणजे सोडलंच. कंटाळला होता. घराच्या किंवा हॉटेलच्या बाहेर पडला की पत्रकार, फोटोग्राफरचा गराडा पडे. सतत पाच पन्नास वह्या सहीसाठी समोर असत. जणू जगाच्या गॅलरीत ठेवलेलं पेंटिंग. पेंटिंगला कधी खाजगी आयुष्य नसतं. कायम…
निसटलेलादगड गाझात लढाई स्थगित झाली. शस्त्रसंधी झाली. म्हटल तर ही शस्त्रसंधी एकतरफी आहे. गाझाच्या हातात दंडुके होते, इस्रायलकडं अत्याधुनिक महाघातक शस्त्रं होती. ट्रंप यांनी नेतान्याहूंना धमकावलं, त्यांचे हात पाठी बांधले. इस्रायलनं रॅाकेट, तोफगोळे आणि बांबवर्षाव थांबवला. येवढंच झालं. बाकी सर्व देखावा होता. ज्या कारणांसाठी इस्रायल आणि गाझा यांच्यात लढाई झाली ती कारण शिल्लक आहेत. इस्रायलला सुरक्षा हवीय.अरब जगानं ती द्यायचं मान्य केलंय, इस्रायलचं अस्तित्व मान्य करून त्यांच्यासोबत सहकार्य करत जगायचं मान्य केलंय. तसे करार केलेत, व्यापार उदीम सुरू केलाय. पॅलेस्टाईन…
शीर्षक सुचेना इथे कवट्या मिळतील. ५०० पाउंडांपासून किमती आहेत. इथे माणसांचे दात मिळतील. ८ पाऊंडांपासून किमती सुरु होतात. इथे माणसाचा पूर्ण सांगाडा मिळेल. १००० पाऊंड किंमत पडेल. माणसांच्या पायाची हाडं, मनगटाची हाडही इथे मिळतील. बोटंही मिळतील. इसेक्स (इंग्लंड) या शहरात ‘क्युरियॉसिटी फ्रॉम फिफ्थ कॉर्नर’ या एका दुकानाबाहेर वरील पाटी लावलेली आहे. नाना प्रकारच्या कवट्या कपाटातल्या काचेमागं या दुकानात दिसतील. ओळखताही येणार नाहीत असे प्राण्यांचे हाडांचे सांगाडेही तिथं टेबलावर विकायला ठेवलेले दिसतील. म्युटेशन होऊन किंवा संकर होऊन मिश्र प्राणी तयार…
फ्रान्सचे माजी अध्यक्ष निकोलस सारकोझी यांना कोर्टानं पाच वर्षाची तुरुंगवासाची शिक्षा सुनावलीय. सारकोझी २००७ ते २०१२ फ्रान्सचे प्रेसिडेंट होते. त्यांच्या भानगडींची एक साखळीच आहे. निवडणुक प्रचार मोहीमेवर भरमसाठ पैसा खर्च केला. हा पैसा बेकायदेशीर पद्दतीनं गोळा केला. खर्चावरची कायद्यानं घातलेली मर्यादा ओलांडली. खटला सुरु झाल्यावर न्यायाधिशाला लाच दिली. पोलिस आणि न्यायाधीश देशद्रोहीच म्हणायचे. त्यांनी चक्क नीट चौकशी करून प्रेसिडेंट महोदयांना तुरुंगात धाडलं. सारकोझींची प्रचार मोहीम भारी देखणी. प्रचार सभांच्या वेळी झेंडे नाचवण्यासाठी माणसं गोळा केली. एका सभेत ६५ हजार, दुसऱ्या…