ऑस्कर २०२१. अमेरिकन तरूणांचं बंड. दी ट्रायल ऑफ शिकागो सेवन.
दी ट्रायल ऑफ शिकागो सेवन. ।। अमेरिकन सरकारनं दंगलीचा आरोप करून सात तरूणांविरोधात गुदरलेल्या खटल्याची हकीकत दी ट्रायल ऑफ शिकागो सेवन या चित्रपटात आहे. चित्रपटात दिसतं ते असं. शिकागोमधे डेमॉक्रॅटिक पक्षाचं अधिवेशन भरणार असतं, तरूण त्या अधिवेशनासमोर निदर्शनं करण्यासाठी गोळा झालेले असतात. अमेरिकन सरकारनं वियेतनाममधे चालवलेल्या लढाईला तरूणांचा विरोध असतो. पोलिस आपले हस्तक या आंदोलनात घुसवतात आणि चिथावणी देऊन दंगल घडवून आणतात. खटल्यात न्यायाधीश त्या सात जणांना दोषी ठरवून तुरुंगवासाची शिक्षा देतो. वियेतनाम युद्धाच्या बातम्यांनी चित्रपट सुरू होतो. तरूणांची…