दिवाळी अंकांतली चार मोठी माणसं.
यंदाच्या दिवाळी अंकात माणसाला समृद्ध करणाऱ्या चार माणसांची प्रोफाईल्स आहेत. परिवर्तनाचा वाटसरू या अंकात नोम चॉम्सकी आहेत. चॉम्सकीनी आता नव्वदीत प्रवेश केला आहे. त्यांनी भाषा या विषयावर संशोधन केलं आहे. भाषा आत्मसात करण्याची क्षमता माणसाच्या मेंदूत जन्मतः असते, मूल परिसरातून मिळणाऱ्या अनुभवातून भाषेचं सोयिस्कर व्याकरण शिकतं, जीवसृष्टीत माणूस या एकाच जीवाकडं भाषा नावाची गोष्ट आहे, हा चॉम्सकी यांचा सिद्धांत. हा सिद्धांत त्यांनी राजकारणात सर्व माणसं मूलतः सारखीच असतात हे सांगण्यासाठीही वापरला. चॉम्सकी गाजले आणि आजही चर्चेत असतात ते त्यांच्या राजकीय…