सहाव्या शतकात बायझंटाईन ख्रिस्ती सम्राटानं चर्च बांधलं. पंधराव्या शतकात मुस्लीम ऑटोमन सम्राटानं त्या चर्चचं रूपांतर मशिदीत केलं. विसाव्या शतकात तुर्की नेते केमाल पाशा यांनी ऑटोमन साम्राज्य धर्मापासून तोडून एक सेक्युलर साम्राज्य केलं आणि त्याच मशिदीचं रुपांतर म्युझियममधे केलं. एकविसाव्या शतकात ऑटोमन साम्राज्य नष्ट होऊन केवळ तुर्कस्तान म्हणून उरलेल्या देशात राष्ट्रपती एर्डोगन यांनी त्या म्युझियमचं रूपांतर पुन्हा मशिदीत केलं.