अती,विकृत, प्रसिद्धीचे दुष्परिणाम.
नेओमी ओसाका, रोलाँ गारो (पॅरिस) टेनीस स्पर्धेच्या दुसऱ्या फेरीनंतर पत्रकारांसमोर होती. एका पत्रकारानं विचारलं ” तुला मिळणारी प्रसिद्धी,तुझं जिंकणं हे सगळं जरा अतीच होताहे असं नाही वाटत तुला?” नेओमी गप्प झाली. गळा दाटून आलाय हे दिसत होतं. तिच्या डोळ्यात अश्रू आले. पत्रकार परिषद आयोजित करणाऱ्या माणसाला तिनं विचारलं ” मी परिषद सोडून गेले तर चालेल? मला नाही पत्रकारांशी बोलायचंय.” आयोजक विचार करत होते तेवढ्यात ओसाका उठून निघूनही गेली. पत्रकारांशी बोललंच पाहिजे असा स्पर्धेचा नियम आहे. तो नेओमीनं मोडला. स्पर्धेनं तिला १५ हजार युरो दंड केला….